她的 lunch actually

我有個朋友 (講明，真係我朋友)，走左去 join Lunch Actually。即係官恩娜識左佢男友果度(其實官恩娜邊度駛參加，我諗佢係gimmick啫)。

雖然我冇參加過任何speed dating，但個人認為 speed dating 冇乜問題，都係識個朋友。人去到我地呢d年紀，如果身邊有好兄弟好姊妹係單身，都會為佢地留意下有冇好人家介紹，甚至會問其他朋友有冇「筍盤」。turn out work 唔 work，就要睇佢地有冇緣份。speed dating 其實都係同一性質。

Lunch Actually 比一般speed dating 好似高檔d，講到門檻幾高咁，唔係阿豬阿狗都參加得。首先要去同佢地o既consultant 見下面，等佢地了解下你，同埋你鐘意d乜類型既人。如果佢覺得你好唔掂，可能唔會幫你做 matching，或者收你多d錢。如果佢地個database有d可以同你配對既人，就會幫你地安排，呢個亦係開始收錢既時候。你一共有三次配對機會。唔得就掰掰。

我個friend當然質素係唔差啦。佢同我地分享左見consultant既經歷。首先個consultant當然係著得好專業，同時講到成件事好鬼專業啦，呢個係間公司既image 嘛。一開始見面了解下我個friend，主要問下佢做咩職業揾幾多錢呀，平時鐘意做d乜呀，鐘意d咩類型男仔呀等等。不過，最搞笑係，佢地既一段對話：

consultant：你鐘唔鐘意「西人」？
friend：咩為之「西人」先。
consultant：吓？「西人」law...
friend：ABC算唔算係「西人」？
consultant：ABC係「香港人」...
friend：american born chinese wor？係「香港人」？
consultant：咁佢地住o係香港嘛。
friend：ore....你係用佢地o既place of residence，而唔係佢地既種族來分？(忽然間好學術性)
consultant：係呀，我地d「西人」個個都好西。(定還是佢係用方向來分。)

我個friend份人平時比較冇耐性，經過呢番對話已經開始覺得人地唔多專業。唔知係咪因為咁，所以interview表現「唔好」，人地連佢d錢都費事賺。我個friend聲稱佢既要求唔係特別高，年齡基本上唔係問題，又唔駛專業人士，又唔駛揾好多錢，又唔駛特別高(我個friend本身都唔係高)。不過，個consultant聽完佢既要求，話我個friend鐘意既人唔係冇，不過比較少。之後一直都冇幫佢match過任何人。

依家個社會好似真係好難揾到啱既人咁。係因為男人太多選擇，還是女人挑剔了？環顧身邊都有一d要揾女友一定揾到既男人，同時亦有好多條件好好既女人。有時同朋友傾開，大家都會話身邊有d好男仔好女仔。咁既然好男人好女人都大有人在，咁點解佢地硬係冇碰上大家？

朋友們，睇嚟我地係時候做d野？

以上內容絕非虛構，而且得到當事人同意寫出。