還原基本步，重頭出發

充滿個性的皮革工具

手縫不可缺的圓頭針

 話就話我已經上過唔少leather workshop，整左好幾樣野，連手袋都整左個，但係當我有日見到我同事帶佢手造o既皮袋返工時，我就覺得好慚愧，因為佢既基本功實在比我好太多，一針一針都很細緻，手袋的每一條邊的打磨拋光都一絲不苟。

以往我太急於求成，只顧用最快的方法造一些見得下人既產品。影相POST上網睇落可能好靚，好多人讚，但只要仔細睇下，自己就知咩事，實在有太多可進步既空間。

萬丈高樓從地起。做任何事，都應該打好基礎，紥好根基。

所以，今日開始，由零開始。我參加了皮革製作初班。

工欲善其事，必先利其器。第一課，老師由工具開始講起。皮革製作所需既工具，逐樣逐樣，詳細講解佢地既功能，同埋每一樣野o係邊度可以買到最好既。

接住落嚟，老師就同我地講「皮」和「革」的分別，話我地知我地眼見既皮革係點製成，皮革分幾多層，質素係點分。買皮既時候唔同部位既特性，邊D部位適合造D咩。咩叫鞣皮、荔枝皮、猄皮，邊度出產既皮係最靚。LV用咩皮、hermes既師傅係點造手袋 (點解咁值錢)、ferragamo係用皮革既邊個部份去造芭蕾舞鞋，仲有原來outlet賣果d同款既係次貨，因為佢地用既皮革檔次完全係兩碼子既事。

之後，老師就開始講，做皮既大法則。淨係穿線，老師已有6個steps要我地依足，佢話唔跟足好容易做壞手勢 (可能我已經做壞左)，整出嚟既野一定唔會靚。另外就係線既粗幼度，唔係樣樣野都用同一種粗度既線。從開皮、畫紙樣、cut皮、削皮、打孔、選線、爉線、縫線，到最後的finishing，每一個步驟，老師既要求都好嚴格。我覺得，有佢調校下我，我既技術一定可以進步。

短短三個鐘既課堂時間，我已經肯定自己有幾咁唔掂。我會俾心機學好佢。

第一課的習作：菱斬皮革保護套