執筆之時，台灣的起雲劑風波鬧得熱哄哄，連有名的五十嵐、永康15 (前身冰館)都不能倖免。不過，根據台灣蘋果日報今日既報導，「衛生署「D-Day」終止塑化劑食品行動第二天，衛生單位過去兩天稽查發現不合格業者比率約5％，業者檢驗報告陸續出爐，賣場恢復上架品項也達8、9成。」我諗，揪出害群之馬之後，件事好快就會平息。
計我話，呢個世界已經充斥住d化學野，除非你隱居深山做野人，唔係想避都幾難。所以，冇咩好擔心。明知有問題既，當然唔好去食啦，但係好好地一支飲品，又冇必要擔心咁多既。
有人話，嘩，台灣依家咁，仲去唔去好？
唔駛諗，梗係去啦。正如當日日本核危機，有人問我仲食唔食阿吉師(我極力推介既日本料理)，我都冇諗過唔食。阿吉師話過，佢地d食材大概有3成來自日本。我諗，出事之後，佢唔會入日本貨，就算佢想買都未必有得買。香港d日本料理，有稍為思考過既都知絕大部分貨唔會係來自日本，唔係點樣做到16蚊碟兩件三文魚腩賣比你呀？唔好忘記我地d租金幾咁高昂先得架。咁日本出事，你無啦啦唔食挪威三文魚，好似唔係好合邏輯喎。
又有人會諗，台灣同日本只有一水之隔，點都有d影響，都係唔食好d。如果係咁，我地背靠祖國，咪仲危險？即係乜都唔駛食架喇喎？樣樣都驚，人生仲有咩樂趣？可能明明d野冇事，都因為你過份擔心導致心血少，所以身體虛弱添。
寫左一大輪，其實，我好快又會去台灣喇!! yeah!!
No comments:
Post a Comment