走難

上星期六，返左廣州飲我舅公大壽果餐。

屋企同內地親戚關係好好，所以我絕對係好樂意同舅公慶祝生日。

不過，唔知係咪人老左定係咩原因，我發覺我真係愈來愈怕返大陸。

去旅行去過唔少地方，有比大陸發達的，亦有比大陸窮的。但係，只有大陸至會令我有種「走難」既感覺。

無論去到邊，人都係咁多，過關、行街、搭車、食野、上廁所，永遠都係擁擁擠擠、急急趕趕的，從來都唔會有從容不迫既感覺。最慘就係，到處都係唔守規矩既人，打尖係norm。試過有次我等公車去從化，15分鐘一班車，好好地排隊，但係後面d人不斷打我尖，不斷推我。我心諗，15分鐘一班車，你驚冇得上咩，遲15分鐘係咪會死呢？開初我堅持排隊，但結果我眼白白睇住4班車就咁走左 (原本跟次序既話我應該上到第1班車)。最後，我好唔情願地加入死迫爛迫死推爛推既行列，好似打仗一樣，先至上到第5班車。

當錯既野o係一個地方係正常既時候，你做啱既野係冇用既，最後你都係要成為錯既一份子至可以生存。情況就如同你一個正常人比人捉左入青山長住一樣。

人多之餘，仲要加上無限既不安全感。呢頭擔心個袋會比人搶，果頭又驚手袋無拉鏈會比人偷野，入廁所又會諗唔知轉個頭行出來會唔會已經冇左個肝，行近d馬路又怕忽然有人開架車捉左你。

有時，我真係唔明，點解我身為中國人，返到「自己」國家，反而先至係最唔安樂最唔自在，要處處提防其他中國人。

以前就話大陸d野平，我搏一"鋪"冇事抵好多，依家我發覺大陸d野一d都唔平，分分鐘貴過香港。既然係咁，除左探親，我仲有咩返大陸既理由？

她的coffee matching...

自從上次寫左關於我朋友o既 Lunch Actually 經歷，同埋 tenacious同事o既故事之後，好多人問我故事o既主人翁是誰，仲不停地玩競猜遊戲。不過，我係唔會講既。雖然我知道當事人可能唔介意承認，但我o既宗旨係，「我有個朋友....」呢一part，朋友o既身分必須絕對保密，就算你知係邊個，都唔會係由我把口講出嚟。一來大家有好多想像空間 (估下估下都幾好玩丫)，二來係咪都爆人o地身分出來，仲有人會同我分享呢d o野咩？另一個我堅守o既原則，就係必須事先得到當事人同意，我先至會寫。我唯一可以比大家既 tips 就係，其實我有好多朋友，唔好估來估去都係果幾個啦 (haha)。

繼 Lunch Actually 之後，近排又識多一樣o野 - Coffee Matching。我有個朋友，最近就參加左 Coffee Matching o既 Speed Dating Coffee Break。


為左進一步認識呢間公司，我拜訪左佢o既網頁。似乎呢間公司冇Lunch Actually 咁structured咁有規模，而且主要以網上為平台，冇公司地址，只有聯絡電話。不過，個人認為佢 o地搞o既活動性質比 Lunch Actually 吸引好多，至少係多元化d。睇下佢o地o既活動：


Happy Hour for Busy Executives (女參加者的要求：pretty，幾咁現實，哈哈 )
Fall in Love with ~~Latte Art~~ (睇睇 vacant seats，明顯女參加者對呢樣野既興趣大好多，full左，男參加者就仲有好多位。又係喎，學下latte art幾好玩丫，就算冇收穫都至少學左d野嘛)
Speed Dating Dinner for Mature Members (女參加者要求：beautiful (同pretty有冇分別架呢？)，one on one dinner)
Speed Dating Coffee Break for Degree Holders (我個friend參加左呢個，轉頭再講)
Champagne & Chocolate Happy Hour (女參加者要求，又係beautiful，有冇d樣子普通都可以參加o既呢？)
Slow Dating Dinner for Professionals (only suitable for Certified Professionals, Senior Management or Entrepreneurs) 
Hot Summer Dating Party (YEE，呢個冇寫話要pretty或者beautiful!!!)
Fun Fresh Pasta Making & Group Matching (冇乜人參加喎)
Hourglass Romantic Dinner for Six (又係beautiful，有一顆美麗的心算唔算呢？)
Dinner for Six for Mature Executive/Degree Holders  (繼續beautiful。係唔係自己覺得自己beautiful就得架喇？)
Slow Dating Dinner for Tall Members - (wahahah 呢個我鐘意，但係女仔只需5"4，咁都叫 tall?!)


講番我朋友o既體驗。佢參加左某星期六下晝o既speed dating coffee break for degree holders，活動o係尖沙咀一間餐廳舉行(間餐廳ok ga，我平時都有去)。費用係200零蚊，有canapes 同unlimited drinks。參加者大概50人，男女各半，入場時大會已assign左一個枱號俾你坐低，另外仲會有張紙寫上你o既名。你鐘意可以寫埋你做邊行同埋你o既興趣。

坐定定之後，女參加者就唔需要郁，男參加者就會每5分鐘shift一次，等大家可以同唔同人傾計。話明得5分鐘，咁閣下就真係要把握時間去認識對方喇。大會會預先派張紙俾你，上面有晒咁多人既名。如果你同對方傾完之後，覺得大家可以交個朋友，就o係對方果格度剔一剔。活動完結時交番比大會。凡雙方有mutual tick既，大會會將對方o既email比你，等你地互相聯絡。

就朋友所見(以下內容乃朋友個人意見)，大部分男參加者都有正當職業，有做律師(不過好串)、公務員、sales，最多係做 engin 同 IT。Overall來講，女參加者o既平均質素高過男參加者，因為有d男參加者根本唔識同人溝通。

朋友憶述當日有一個樣子猥瑣的男參加者，一坐低，就用色迷迷既眼神加低沉既聲線同佢講：「你好靚女呀~~~」。朋友冇以心底話「我都知」回應 (:P)，反而即時比佢嚇窒左，唔駛講，OUT得。

另外有d參加者simply係dead-air，或者講完一大輪完全唔知佢講乜；有d話自己既興趣係做gym，仲有呢？都係做gym。

朋友話，參加呢d活動令佢更加清楚自己既定位，同埋知道自己要d咩。燕瘦環肥，唔靚仔，唔有型，其實某程度上都預左，而且反而唔係最重要。最終朋友都tick左幾個男參加者，都唔係咩靚仔有錢，而係整個人比人一種sincere、友善同埋溝通到既感覺。

你話呢d男人好難揾咩？又好似唔係丫，我身邊d朋友好多都係咁。不過，可能當你係果種男人既時候，你要既野就唔淨止係 beautiful咁簡單，又或者你根本連relationship都未想要。

(認真的環節要轉用認真的文字....)

朋友的單身生活很多姿多采，可是，她知道她終究還是想要找一個可以終老的伴侶。她不是沒有努力過，而且一直還真的都很努力。有時候，她也會覺得累，偶爾也會放不下女性的矜持，希望有人能主動去疼她。

上天安排每個人有他的路，有他的故事，不要羨慕別人(但要懂得欣賞和祝福)，不要嫌棄自己(樂天知命就好)。遇見過的，遇見到的，惜緣惜福。努力過後，一切就交給上天吧！

聽見　冬天　的離開　我在某年某月醒過來 
我想　我等　我期待　未來卻不能因此安排 

陰天　傍晚　車窗外　未來有一個人在等待 
向左　向右　向前看　愛要拐幾個彎才來 

我遇見誰　會有怎樣的對白 
我等的人　他在多遠的未來 
我聽見風　來自地鐵和人海 
我排著隊　拿著愛的號碼牌


我往前飛　飛過一片時間海 
我們也曾　在愛情裡受傷害 
我看著路　夢的入口有點窄 
我遇見你　是最美麗的意外 

總有一天　我的謎底會解開

李結他

Lee Guitars Collection

懂彈結他的人在我心目中永遠是最酷的。

Lee Guitars X Converse
100th Anni Guitar 

我對結他的癖好，我覺得是來自我爸。論樣貌我爸一點都不帥，但每次我看到他拿著結他自彈自唱的時候，眼中的他總是變得非常非常有魅力。我沒有向我媽求證，但我一直主觀地認為，我媽愛上我爸，應該就是從這一刻開始。

所以，因我爸而起，第一個我崇拜的人，John Lennon，也是個結他手。一直到現在，凡彈得一手好結他的人，無論是男是女，是美是醜，在我心中都會加很多分。

中學時我就跟同學說，將來找男友一定要找個懂彈結他的。可惜天意弄人，我的男友沒有一個是懂彈結他的 (:P)。朋友說，是上天要我自己學，所以沒有給我一個懂彈結他的伴侶。我曾經有叫我爸教我，但教不到10分鐘我們都放棄，因為大家對大家都沒有耐性。我想，將來要學，應該找個陌生人來教才行。

那天逛信義誠品的時候，無意中逛到一個角落，被一把極美的結他吸引住。走近才發現，wowow!! Lee Guitars 在這裡開店了！ 把我吸引過去的是 Lee Guitars x Converse 100th Anni Guitar，用不著我去講，你看就知道有多美。

Lee Guitars是台灣樂壇大哥李宗盛開辦的，專門以手工造結他，推廣音樂。雖然很想買可是一來價錢不便宜，二來我又不懂彈，買了如果浪費掉，不如留給有心人更好。

走進店的我明顯是運吉，但店員還是很落力的為我介紹。我知道這裡不時有高手WALK-IN來獻技和切磋。

Lee Guitars有為Mayday特別製造結他，這次見到真身，果然是很精美，不過，在未學懂之前，我不會花那麼多錢去買。

Mayday Signature Model

大家下次去信義誠品，可以碰碰運氣，看看有沒有高手在那邊玩，有空也可以出席在敦南誠品音樂館舉行的Lee Guitars 音樂會。

這一次臨行時，店員給我一張Poster，因為趕時間，當時我沒有打開。回到香港之後，才發現裡面是Lee Guitars Collection的Poster，很精美呢！我會把它裱好放在我的工作間內。

Lee Guitars 在香港沒有分店，但在通利琴行有售。

尋找最好的按摩師

如果話，按摩同spa係宇宙最偉大既發明之二，我諗好多人都唔會反對。

唔知大家係咪同我一樣，已經好多次，按摩師按我背脊時，話我D筋扯到超級崩緊，實到按唔到落去。試過有人問我，嘩小姐，你做咩工架？點解可以攰得咁緊要？第一次聽我以為係個按摩師想sell 我買套票，因為我試過0係大陸做spa既時候個therapist話我某部位有勁多硬塊，叫我join佢地個package推散佢 (傻啦，我從來唔信咩通淋巴、爆脂呢d野，咁容易推散我d硬塊，咁我d醫生朋友讀咁多年書為乜？不如索性開間推拿，揾幾個姐姐仔幫人推腫瘤、推硬塊算啦。)

結果我返香港睇醫生照超聲波，一d事都冇。最後比佢推既部位痛左成個禮拜，真係撞鬼。

言歸正傳，查實我自己係唔覺自己有咁攰，我只係覺得有D酸痛，不過去到被人按落個穴位至知原來真係超級痛，而且事後都真係會痛番三兩日，加上實在太多次有按摩師話我背脊崩緊得好厲害，問我做邊行，搞到我開始有d唔好意思再話我係做文職 (經過三番四次被人問之後，我得出一個結論，就係我應該答「我做地盤架」，等佢地可以話「哦，唔怪之得啦！」成個conversation至可完美落幕)。依家我通常都係笑兩聲，然後話「係呀係呀，唔知點解」就算。

anyway，我曾經有認真思考過到底點解我會咁，包括懷疑係我張床褥既問題，因為小女子自懂性以來所「目訓」既床褥就係好似人地軍訓果d木板床咁硬，主要原因係家父覺得市面上果d床褥，尤其是「目訓」落好似好舒服果d，全部對腰骨都唔好。睇到呢度，大家唔好想像到我間房好似好淒涼咁得張硬如木板既床褥 (仲要加張鐵架床，家徒四壁，床邊有把爛熔熔又佈滿塵既風扇發出達達達達聲)，其實多年來我已經「目訓」慣左仲覺得幾舒服；我亦有特別注意我既坐姿，尤其是返工既時候，不時走動下；另外就係檢討下自己個人平時係咪太過精神緊張導致崩緊 (呢樣最匪夷所思，因為如果係真既話，我諗我唔係精神緊張，而係精神分裂，因為平時我既生活都真係幾唔緊張，可能係夜晚有另一個我走左去地盤開工？(但我冇出過糧喎))

直至依家，我都未揾到真正既原因。惟有keep住去按摩同做spa紓緩下。

但係，要揾間好既按摩真係一d都唔易。大陸果d試過無數次，佢地無錯係稍為平少少，但係我覺得佢地係頂多都只可以稱為「o禁肉」，求其o禁你幾下毫無技巧，叫佢大力d佢就當正你係殺父仇人一樣幫你「鏈肉」，所以我上大陸去所謂既按摩都係當比d錢去坐下休息下，同埋有人幫你郁下你d肉咁。如果大家有好介紹，請立即話我知！

近年我鐘意o係香港按，寧願比貴d，起碼我feel到成效。我去開都係果一兩間，唔講得上係好正 (本人試過最正既按摩係o係柬埔寨暹粒，永世難忘)，所以如果大家知道點度有好既師傅，一定一定要通知聲。

至於spa，試過香港、大陸、泰國、台灣、馬來西亞好多間，最正就係泰國既divana d，又唔係o係香港。

好既按摩師同好男人一樣，都係咁難揾，最慘就係，呢樣野冇得自救，永遠都要靠人。

台灣好咖啡

蔡李陸的黃金曼巴咖啡

這是一個讓人嚮往的故事。

幾十年前，大馬僑生離鄉別井到台灣讀大學，畢業後留台發展，當上編劇。僑生在大馬時常喝咖啡，但當時咖啡在台灣是奢侈品，所以僑生常託大馬的家人寄咖啡豆給他解癮。

在辦公室沖調綜合咖啡掛耳包

後來有一天，僑生無意間逛進一個女孩開的咖啡店，才發現原來咖啡還有這麼多樣的種類、這麼多種煮法。從此他就迷上這家的咖啡，常待在店內讀書、寫劇本，並跟老闆娘成為好朋友。 

其實，在僑生踏進咖啡店門之前，老闆娘的店早已是文人雅士最愛的聚腳地，侯孝賢、吳念真都偏愛她的咖啡。知名作家朱少麟從大學時期就乘兩個小時的公車，專程到她的店裡喝咖啡，後來更用她的咖啡店為藍本，寫下暢銷百萬本的《傷心咖啡店之歌》。朱少麟形容，老闆娘的咖啡是「全台北最夠味的」。

老闆娘的咖啡之所以會有這樣夠味，源自她的執著和追求完美的個性。她檢選咖啡豆很挑剔，一鍋炒好的豆子，通常會手工檢掉三到五成不合水準的豆子，以確保咖啡品質。(我懷疑她的月亮和上昇都是處女座…)

深度烘焙黃金鼎上．曼特寧 Gold Top Mandheling  Dark Roast

僑生經過多年奮鬥，成為知名導演，而且在街頭發掘了一個男子當演員，剛巧男子是咖啡迷，僑生就把他帶到老闆娘的店。

自此之後，三個人成為好朋友，一眨眼就幾十年。男的成為僑生的御用男演員和影帝，女的也被拉進大銀幕裡，成為影后。

老闆娘因長期守著一家店，身體熬出毛病，加上熱切的想要追求咖啡店外的自由，於二零零六年決定把經營了二十年的店轉讓，頓時讓她的咖啡迷失去了最好喝的咖啡。

結果，咖啡店結業三個月後，僑生已經忍不住打給老闆娘，問她一台炒豆機要多少錢，看能不能請朋友們集資合買一台，然後請她再幫他們炒豆。

一眼就看上了這個陶瓷杯。日製．已停產。><

等到二零零八年春天，三個好朋友在公司開法國羅浮宮拍攝《臉》的製作會議，僑生突然提議：「不如，我們三個人來開一家咖啡店吧。」剛好男子用他拍片的全部積蓄，在台北永和買了間不起眼的小店，打算將來也許不拍戲了，可以做點什麼生意。至於老闆娘為何願意重做馮婦，是因為男子承諾會一手包辦店面、裝潢、到公司執照的申請等等，加上兩位好友以死相迫，終於讓老闆娘首肯。

取三人的姓「蔡、李、陸」為店名，成為今天的蔡李陸咖啡商號。

而他們就是蔡明亮、李康生、陸奕靜。(註：大學時看過蔡導的《愛情萬歲》和《天邊一朵雲》，非常欣賞他的風格。《愛情萬歲》是我一直很喜歡的電影，大家有興趣可以看看。今年看五月天演唱會的時候，聽阿信說，才知道他寫愛情萬歲是受到蔡導的電影啟發。咦，歌跟電影表達的訊息明明很相似，怎麼我以前沒有發現它們之間的關係？)

不要誤會蔡李陸是一家café，它切切實實是一家賣咖啡豆的店。店的宗旨很簡單：只賣好喝的咖啡。店內只賣七種咖啡(請看圖)。別以為綜合咖啡就隨隨便便，其實它是陸弈靜以二十幾年經驗，調配出來的獨門秘方。

客人可以在網路、電話或傳真下單，蔡李陸保證在接單後才現炒現烘焙，保證顧客喝到最新鮮的咖啡。然後透過網路系統與黑貓宅急便，隔天即宅配到府。海外的顧客呢，可以打個電話去訂，隔天就會送到你的飯店。

雖然說宅配很方便，我還是建議你抽一個下午的時間親自去店裡看看。

這次去台北，我特意預留了時間一個人去拜訪蔡李陸在永和的店 (感謝同行的好友照顧我媽我姐)。因為事前有聽說蔡李陸星期六是隔休的，我有打過電話去check可是又沒有人聽，最後還是懷著碰碰運氣的心上了公車，反正沒開也沒關係，我就在永和隨便逛逛呀。

小小的店有濃濃的咖啡香

蔡李陸是一家很低調的店，低調的門牌、低調的燈光。甫進店會看到大大包的生咖啡豆，然後是一個小小的咖啡烹調工作台。

入口旁邊各種生咖啡豆

當天只有我一個顧客。店長知道我是從香港「老遠」過來，先為我調製一杯Gold Top Mandheling 請我喝。喝過好咖啡的人都知道 ，高質素的「齋啡」是非常好喝的，而且不會嗆喉。 Gold Top Mandheling 不算很濃，回甘很香，呷一口就有很滿足的感覺。店長很熱心的向我介紹他們手造的甜點，還讓我試。因為我怕帶回香港會變壞，所以最後沒有買。

 

一邊喝咖啡，一邊聊咖啡，店長逐一向我介紹咖啡豆，還我聞一下它們的香味。我特別喜歡Mandeling (曼特寧) 和 Mandeling & Brazil (曼巴)的香味，二話不說就買了一些。為了方便沖調攜帶，蔡李陸有製作掛耳包，最適合上班和旅行時解癮。

這次在店裡待了短短一個小時，很想喝的冰滴要留到下次了。店長把我的order記下來之後，隔天送到我的飯店。臨走的時候，店長送我兩包剛才我沒有買的甜點，她說，沒關係，你在台灣的時候可以吃呀，這樣就不怕變壞了！(這就是台灣人的可愛。)

下一次來我家，請你喝蔡李陸！

蔡李陸咖啡商號
02-8660-3929
台北縣永和市秀朗路二段十二號
捷運南勢角線永安市場站出口右轉搭免費接駁車D線復興商工或台電永和所下車