旅客購物可直接退稅

台灣正式開放陸客自由行，講左好耐，終於打到嚟。7月1日起，每日名額500人。

唯一令我笑得出o既，就係為左方便旅("陸?")客購物退稅，由7月1日起，旅客o係有Tax Refund Shopping (TRS) 標誌(見圖)o既特許商店(以每家商店計)購物介乎3000-20000台幣(退稅金額唔超過1000台幣)，商店可以直接退稅俾顧客。

嘩，咁真係方便好多喎。以往退稅要o係商店度填form辦手續，出境時又要預留時間去海關排隊，都真係幾費時。有左新安排，買野退稅就方便好多。雖然話退5%唔算咩大數目，但都絕對夠你o係台灣食餐好o既。


現階段開放一d大型商店直接退稅，例如新光三越、sogo、誠品、台北101、京華城、微風廣場等等，遲下會逐步擴展至其他商店。下次去台灣，記住留意呢個標誌，主動問下店員點退稅喇！


其他香港人比較常買o既 Porter International 、城市綠州等等都係特定商店，不過唔知首階段有冇佢地份。

有TRS標誌之特定營業人名冊：請按此。


資料來源：台灣財政部