瘋狂世界

日日打開報紙、睇電視新聞，都有好多令人發火又勁荒謬既事發生。我成日諗，可恨我唔係果d對世事冷感既人，又要睇，又要知，又要忟，到頭來對自己生活既地方開始絕望。

我唔知係以前細個唔識諗，所以唔覺得個社會咁worse，還是個社會真係比以前worse左，近年我覺得香港真係每下愈況。荒謬的事，反智的邏輯，囂張跋扈的所謂領袖，受侵蝕被剝削的自由；貧富懸殊，利益傾斜，沒有產業，只有炒炒賣賣的數字遊戲，社會愈來愈分化，滲透令本土價值逐漸消失；政治走向單一化，「反對派」政黨唔夠人玩，一個一個被技術性擊倒，慢慢慢慢勢力消退。最可悲既係，睇唔到會有改善或者可以反抗既一日。在乎既人係少數；唔在乎既人繼續唔在乎；既得利益者就繼續悍衞自己利益；冇利益可得者怨氣加深，又無能為力。

我地到底有咩出路？