out of the blue: 巴黎愛馬仕

巴黎Hermès Seine 左岸分店入口

咁多人Post巴黎o既旅遊風景照，我又唔係影得特別靚，不如等我分享下其他好野。

成間舖本身就係一件藝術品

今次去Paris其中一個覺得冇去錯既地方就係 Hermès 自1837年於巴黎創辦以來，o係塞納河左岸開設既首家分店。

我對LV、CHANEL手袋從來都冇興趣，覺得係上左年齡o既女人先用o既野，款又唔係特別靚。作為一個手袋(特別是LV monogram同埋勁大個CHANEL logo既款)又通街都係，都唔知邊個係真邊個係假，而且差唔多價錢大把牌子靚過佢地；作為luxury goods佢地又未去到藝術品o既級數。

店內展示的非賣品 Kelly Bag

所以我欣賞 Hermès。每一個birkin同kelly都係全手工製，淨係造都要3個月。我冇親眼睇過Hermès工匠o既示範 (會積極留意幾時再有得睇)，但聽聞佢地縫線係唔需要預先打孔，只係一手執線，一手執錐，逐步逐步咁穿 (@@" 傻眼)。細心睇下個幾近完美o既袋，就一定會覺得工匠o既手藝已經去到神級境界，直情係藝術。

cushion

雖則質素最高(亦係最貴)既款，我實在係買唔起得個恨(同埋得個讚嘆)，但我又唔想求其買個 "S" 品 (Hermès手袋上金字Made In France下面有個 "S"字既即係特價貨)扮高檔，所以暫時都係做住小粉絲先。各位朋友，有錢絕對應該買佢。男仕們，既然買LV都唔平，我就寧願收個Hermès "S" 喇 (:P)。不過，有錢都未必有得買就真o既。

天然採光

咁到底呢間分店有咩咁特別？

呢個樓高三層o既地方原是建築師Lucien Beguet於1935年以新藝術風格設計的古蹟游泳池「Lutetia」。後來泳池關閉，但法國人又想保留舊有o既建築風格，於是Hermès就請用開 o既店面建築設計的RDAI，重新打造，同時保留一定o既原有風貌。所以，店內細節處可以見到原屬於泳池o既的地板導流溝槽，同埋馬賽克瓷磚柱。整家店的主題就是 Wood House，入到去感覺好寬敞舒服。

推開大門係一條長長既走廊，右邊係花店，沿住走廊一直行入去，就係店o既主體，抬頭一望就會見到玻璃天花(天然採光!)。沿著左邊一直行可以去書店睇藏書，同埋去cafe食tea。順住樓梯落去就係購物同展覽o既地方。

店內展示o既當然有Hermès老本行馬具皮革，仲有大部份人想揾o既手袋、絲巾、配飾，比較特別0既就係件件都好靚既傢俱。

往下層的流線型木扶手樓梯

餐具

店內咁多野睇，我當然係樂而忘返啦。不過估唔到連平時行街只會企埋一邊等走既男友，都對於間舖好有興趣，而且仲覺得好靚。

我地兩個睇中左一張木餐枱 (當時我地正為新居尋找一張靚既木枱，無奈一直都未揾到)。一見到內店內果張就異口同聲地讚靚。不過，當然，咁靚既野就有番咁上下價錢，我地惟有又做住小粉絲先。

我地好鐘意o既木餐枱，盛惠25萬

呢個買得起喎，可惜係布製

另一樣好值得睇既就係馬具。Hermès係靠馬具起家，所以造既馬具特別多。店內展示左唔同年代既馬具，d皮靚到我真係睇到眼都定晒。一直以來都話馬術係貴族既玩意，從馬具開始就已經深深感受到富貴人家既講究。用皮來配馬，成件事都好優雅。

既然仲有d相要share，不如講下歷史，唔嫌悶既可以繼續睇落去。

復古單車：見到即時埋去，非賣品again

birkin 同 kelly bag 既命名，相信大家都知。

1956年，懷有身孕既摩洛哥王后、經典大美人Grace Kelly落機時，為左防止記者影到，就用Hermès黑色鱷魚皮手袋擋住腹部。自此之後，佢拎住既手袋成為經典。Hermès亦將之命名為Kelly Bag。唔知Grace Kelly係邊個？唔係卦？